I ndodhur nën arrest shtëpie, e vetmja dritare komunikimi e Sali Berishës është ajo e ballkonit të tij. Në ditën e tretë të zgjedhjeve europiane, lideri i Rithemelimit bëri thirrje që të votohet për kandidatët e djathtë mes tyre edhe Fredi Beleri, i cili edhe pse i dënuar me dy vite burg për korrupsion zgjedhor në Shqipëri garon si kandidat i partise së Kyriakos Mitsotakis “Demokracia e Re”, në zgjedhjet për institucionet e reja te BE.
“Fati e ka sjellë që shqiptarët të jenë sot më shumë votues në Europë sesa në vendin e tyre.
Ndaj dhe unë i ftoj të gjithë anëtarët dhe mëbshtetësit e PD kudo që janë të votojnë partitë e qendrës së djathtë. Në tërësi të votojnë për Forza Italia në vendin fqinj, Nea Demokracinë, CDU-në, të votojnë Partinë Popullore Austriake, të votojnë partitë e qendrës së djathtë në Kroaci, Slloveni dhe mbarë vendet e tjera”, beri thirrje Berisha.
E ndërsa shqiptarët që ndodhen jashtë vendit kane mundësi të jenë votues ne Europë por ne vendin e tyre jo, Berisha u bëri një premtim.
“I garantoj se në këtë vend zgjedhje të tjera nuk do zhvillohen pa votën e tyre, pa pjesëmarrjen e tyre.
Le të tmerrohet Edi Rama nga vota e tyre, por zgjedhje Shqipëria nuk ka dhe nuk mund të ketë pa votën e diasporës dhe emigracionit.
Por, ndërsa te djathtë dhe te majte zotohet përdite e më shume se se do bëjë te mundur votën e diasporës ne zgjedhjet e 2025, kur vjen fjala tek veprat politika ngel ne klasë, pasi struktura që ngriten me dakortësi në Parlament nuk ka prodhuar asnjë rezultat konkret për të realizuar këtë te drejte te mohuar për emigrantët shqiptarë.
