Violinisti Olen Cezari dhe miqtë e tij po mbajnë një koncert madhështor në Pallatin e Kongreseve i cili do të jetë deri në 20 prill 2024
Pas dy vitesh largim, Olen Çezari është rikthyer në Tiranë për të zhvilluar serinë e tij të koncerteve në 7 mrekullitë e botës. Deri tani, ai ka realizuar katër prej tyre. Megjithatë, në fillim të koncertit të djeshme, Çezari deklaroi se salla e Pallatit të Kongreseve në Tiranë është mrekullia e 8, duke e shtuar në listën e tij të shfaqjeve të mrekullueshme
Në një intervistë për News24 disa ditë më parë, Çezari është shprehur se është bërë një punë kolosale. Ai premton një spektakël madhështor për publikun.
“Ne menduam që të mbajmë një koncert në Tiranë, që bëhet gjithmonë e më e bukur. Pikë së pari është orkestra ime, pastaj kam të ftuarit special, në Tiranë do të jetë një kompozitor me fame botërore, pastaj do kemi muzikë latine. Kemi marrë edhe Marsela Çibukajn, që unë e konsideroj “Vaçe Zelën” moderne shqiptare. Nuk mund ta quaj koncert, është spektakël.
Ka dhe një komik e ai është Gazment Paja. Programimi ka nisur që në muajin nëntor, është punë kalosale, mund të jenë mbi 150 persona që po punojnë. Është super spektakël, nuk do të jepet në TV, por do jetë live e kush dëshiron mund të vijë. 85 përqind e njerëzve mund të pronotojnë biletën me Olen.al, hap që është mundësuar falë teknologjisë. Janë tri mbrëmje të mrekullueshme, kemi balet, orkestra, kemi ndëraktivitet me publikun, ka surpriza plot”, deklaroi violinisti Cezari.
