Pas luftës prej disa orësh me flakët e zjarrit tashmë është normalizuar situata. Pas afro 3 orë e 30 minuta luftë me flakët, zjarrfikësit kanë arritur të vënë në kontroll situatën dhe të evakuojnë banorët.
Edhe pse shumë detaje ishin të paqarta prej situatës së pazakontë, mësohet se në total janë 35 persona në spital, mes tyre të moshuar e fëmijë. Këta të fundit fatmirësisht nuk janë në rrezik për jetën.
Mes të shtruarve në spital, 4 janë zjarrfikës të cilët kanë pasur probleme shëndetësore prej asfiksisë nga tymi.
Në vendngjarje kanë mbërritur forca zjarrfikëse, ambulanca, por edhe ministrat e kabinetit qeveritar e drejtuesi i Policisë së Shtetit.
