Një “gjigant” i ri francez është duke u rritur. Bëhet fjalë për talentin e Interit, i cili aktualisht është në huazim te Bordo, Yann Kartamoh. Në përballje me Angers, i riu francez ka shënuar një gol të jashtëzakonshëm, ku e gjithë merita ishte e tij.
Bordo fitoi 2-1 në fushën e Angers falë goli të Karamoh në minutën e 90+2′-të. Talenti në pronësi të Interit nisi një kundërsulm me topin që e mori në mbrojtje e dhe e udhëhoqi deri në sulm, aty ku depërtoi në drejtim të portës dhe goditi saktë me të djathtën nga jashtë zone duke shënuar një gol të bukur dhe me shije tre-pikshi.
Sulmuesi 20-vjeçar është në formë huazimi te Bordo për këtë sezon, teksa shpreson që të arrijë formën e tij më të mirë, që të rikthehet te Inter dhe të zërë një vend titullari.
