Prej 8 vitesh, të verbërve u është mohuar rritja e pagesës së paaftësisë.
Kështu, të verbrit kanë hedhur në gjyq shtetin. Kreu i Shoqatës së të Verbërve, Sinan Tafaj, thotë se shumë prej gjyqeve të hapura janë fituar dhe të tjera po hapen çdo ditë në të gjitha rrethet e Shqipërisë.
“Shteti u ka borxh të verbërve një shumë që llogaritet sot në afër 15 milionë euro, faturë kjo që rritet me kalimin e viteve,” shprehet Tafaj.
Pa financim për të tretin vit ka mbetur edhe e vetmja qendër kombëtare për personat me aftësi të kufizuar në Vaqarr, një projekt i bashkëfinancuar nga Shoqata e të Verbërve dhe shteti shqiptar, raporton BW.
Sipas Tafajt, qëndrimet qeverisë janë produkt negativ i disa OJQ-ve pranë pushtetit.
