Një ngjarje tragjike ka ndodhur në bjeshkën e Pojanës, ku një 39-vjeçar është shpallur në kërkim nga policia pas një aksidenti fatal. Policia e Tropojës njoftoi se shtetasi B.Q., banues në fshatin Shipshan, dyshohet se gjatë prerjes së pemëve ka shkaktuar rënien e një peme mbi një person tjetër.
I lënduari, shtetasi M.K., 79 vjeç, u dërgua në spital, por për shkak të plagëve të marra ndërroi jetë. Policia po vijon hetimet për të zbardhur plotësisht rrethanat e ngjarjes dhe po punon intensivisht për kapjen e të kërkuarit.
