Përfaqësuesja e Kosovës është surpriza e viteve të fundit. Ata kanë bërë mjaft mirë në Ligën e Kombeve dhe prej disa ndeshjesh nuk njohin humbje. “Dardanët” cilësohen si një fabrikë talentesh, futbollistë me origjinë kosovare aktivizohen edhe në kombëtare të mëdha si Zvicra, Belgjika, Norvegjia, por edhe Shqipëria.
Me pranimin e përfaqësueses së tyre nga UEFA, ekipi kosovar po mundohet të ndërtojë një ekip cilësor dhe konkurrues. Një nga titullarët e rëndësishëm të ekipit, Arbër Zeneli është një nga 10 lojtarët që ka dhënë më shumë asiste në Europë. Futbollisti i Heerenveen në kampionatin holandez ka dhënë 7 pasime golit për 14 ndeshje duke u renditur i 9 në një listë me yje të nivelit botëror. I pari është 26-vjeçari i Club Brugge, Hans Vanaken, me 10 asiste në 18 ndeshje, ndërsa pas tij renditen emra me peshë si Quaresma, Messi, Hazard apo Suso me 8 pasime.
Zeneli është një nga futbollistët më të talentuar të kombit shqiptar dhe për 23-vjeçarin kanë shfaqur interes shumë klube. Në janar pritet që lojtari të bëjë një tjetër hap të rëndësishëm në karrierën e tij.
Renditja
- Hans Vanaken (26 vjeç/ Club Brugge / Belgjikë) – 10 asiste në 18 ndeshje (1597 minuta)
- Ricardo Quaresma (35 vjeç / Besiktas / Portugali) – 8 asiste në 13 ndeshje (1045 minuta)
- Lionel Messi (30 vjeç / FC Barcelona / Argjentina) – 8 asiste në 13 ndeshje (1051 minuta)
- Eden Hazard (27 vjeç/ Chelsea / Belgjika ) – 8 asiste në 15 ndeshje (1143 minuta)
- Steven Berghuis (26 vjeç/ Feyenoord / Holanda) – 8 asiste në 15 ndeshje (1329 minuta)
- Suso (25 vjeç/ Milan / Spanjë) – 8 asiste në 15 ndeshje (1349 minuta)
- Florian Neuhaus (21 vjeç / Borussia Mönchengladbach / Gjermani ) – 7 asiste në 14 ndeshje (917 minuta)
- Sébastien Haller (24 vjeç old / Eintracht Frankfurt / Francë) – 7 asiste në 14 ndeshje (1093 minuta)
- Arbër Zeneli (23 vjeç / Heerenveen / Kosovo) – 7 asiste në 14 ndeshje (1099 minuta)
- Steven Bergwijn (vjeç / PSV Eindhoven / Holandë) – 7 asiste në 14 games (1216 minuta)
