60 vjet nga tragjedia e “Luleve të Manchesterit”

Kanë kaluar plot tragjedia e Manchester United në Mynih të Gjermanisë, ku një aksident ajrorë ndërpreu ëndrrën e shumë talenteve të futbollit. Avioni i British u nda në dyshë pas tentativës së tretë që bëri për tu ngritur nga pista e aeroportit, më 6 shkurt të Vitit 1958. Pasojat ishin shumë të rënda, pasi humbën jetën 23 persona, nga të cilët 8 lojtarë, 3 anëtarë të stafit, 8 gazetarë dhe 4 anëtarë ekuipazhit.

Ndër të mbijetuarit ishte edhe legjenda e futbollit britanik, Bobby Charlton. Mbetën në histori si “Lulet e Manchesterit”: Geoff Bent, Roger Byrne, Eddie Colman, Mark Jones, David Pegg, Tommy Taylor, Liam ‘Billy’ Whelan dhe “Big Dunc” Duncan Edwards (i mbijetoi fillimisht përplasjes, por humbi jetën 15 ditë më vonë në spital).

Ata janë të pavdekshmit e United, simbole të përjetshme të një skuadre me moshë të re dhe fituese. Manchesteri United i 60 viteve më parë kishte nofkën “Busby Babes” (fëmijët e Busby-t, ish-trajnerit të “Djajve të Kuq, që i mbijetoi aksidentit). Skuadra angleze po kthehej nga Beogradi, ku kishte barazuar 3-3 me Crvena Zvezdan, duke u kualifikuar në gjysmëfinale të Kupës së Kampionëve. Në Mynih do të bëhej një ndalesë e shkurtër për furnizim, që fatkeqësisht përfundoi me një aksident tragjik.