Një aksident ka ndodhur sot rreth orës 08:10 tek Kthesa e Kamzës, ku dy urbanë të së njëjtës kompani janë përplasur me njëri-tjetrin. Nga përplasja janë lënduar 6 persona, të cilët janë transportuar me urgjencë në spital. Burime për Report Tv bëjnë me dije se njëri nga shoferët, ka qenë në gjendje të dehur.
“Më datë 22.06.2018, rreth orës 08:10, tek kthesa e Kamzës janë përplasur dy autobuza të linjës “Tiranë – Kamëz” me targë AA628 GC, me drejtues shtetasin K. A., 43 vjeç dhe me targë AA 958 LN, me drejtues shtetasin S. R., 40 vjeç.
Si pasojë e përplasjes janë dëmtuar lehtë dhe janë dërguar për ndihmë mjekësore në SQU shtetasit, A. P., 22 vjeçe, S. R., 43 vjeç, V. H., 23 vjeç, S. K., 53 vjeç, K. G., 19 vjeçe dhe E. L., 22 vjeçe ( të gjithë pasagjerë në dy autobusat e linjës “Kamëz-Tiranë ).
Shërbimet e policisë dhe drejtuesit e autobusave ndodhen në vendngjarje, po kryhen veprimet e mëtejshme hetimore, për zbardhjen e shkakut dhe rrethanave të përplasjes”, bën me dije policia.
