Një 57-vjeçar është vetëplagosur aksidentalisht me një armë gjahu që e mbante me leje. Ngjarja ka ndodhur pasditen e sotme në fshatin Ura e Shtrejt, në njësinë administrative Postribë, Shkodër.
I plagosuri, shtetasi F.V., ndodhet aktualisht në Spitalin Rajonal të Shkodrës, ku po merr ndihmën mjekësore dhe ndodhet nën kujdesin e mjekëve.
Policia bën me dije se grupi hetimor ndodhet në vendngjarje dhe po punon për sqarimin e plotë dhe dokumentimin ligjor të rastit.
Njoftimi i Policisë:
Rreth orës 17:45, në fshatin Ura e Shtrejt, Postribë, dyshohet se aksidentalisht është vetëplagosur me një armë gjahu, që e mbante me leje, shtetasi F. V., 57 vjeç. Ky shtetas ndodhet në Spitalin Rajonal Shkodër, nën kujdesin e mjekëve.
Grupi hetimor ndodhet në vendngjarje dhe po punon për sqarimin e plotë dhe për dokumenimin ligjorë të rastit.
