Specialistët për Hetimin e Krimeve në Komisariatin e Policisë Kukës, pas hetimeve të kryera për një rast zjarrvënieje në fshatin Ujmisht, kanë identifikuar dhe proceduar penalisht në gjendje të lirë shtetasin L. K., 54 vjeç, banues në fshatin Lusën.
Sipas hetimeve paraprake, ky shtetas dyshohet se ka ndezur zjarr për djegien e shkurreve dhe si pasojë e përhapjes së flakëve është djegur një sipërfaqe me bimësi.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme, për veprën penale “Shkatërrimi i pronës me zjarr”.
Drejtoria Vendore e Policisë Kukës u bën thirrje qytetarëve të mos ndezin zjarre në asnjë rrethanë, as me qëllim e as nga pakujdesia, pasi do të përballen me pasoja ligjore. Policia fton qytetarët të denoncojnë çdo rast zjarrvënieje apo veprimtari të paligjshme në numrin 112, duke garantuar reagim të shpejtë, të paanshëm dhe mbrojtjen e anonimatit.
