Autoriteti Rrugor Shqiptar njofton se rrëshqitja e masivit me çakëll në kthesën e Poçemit është stabilizuar dhe pasditen e sotme rruga do të hapet për qarkullimin e mjeteve. Në orën 19.00, segmenti do të do të jetë i hapur për të gjithë drejtuesit.
“Sot rreth orës 19:00 qarkullimi i mjeteve nuk do të kryhet më nga devijimi por në aksin kryesor, tashmë rrëshqitja është stabilizuar dhe mjetet mund të kalojnë në këtë segment brenda parametrave të sigurisë rrugore”, njofton ARRSH.
Stabilizimi i këtij segmenti pjesë e rëndësishme e autostradës Levan-Tepelenë ishte bllokuar prej më shumë se pesë vitesh, shkruan newsbomb.al.
Autoriteti Rrugor Shqiptar devijoi në atë kohë qarkullimin e mjeteve, duke krijuar një nyjë dytësore pranë vendit ku kishte rrëshqitur masivi me çakëll. Punimet për rihapjen e rrugës nisën vetëm muajt e fundit të vitit 2023, për shkak të aksidenteve të shumta në kthesën e fortë provizore që ishte krijuar.
