Një studim i bërë së fundmi nga “World Happiness Report”, tregon se cili është vendi më i lumtur në botë. Dhe është pikërisht Finlanda vendi më i lumtur, duke lënë pas fituesin e këtij çmimi të vitit të kaluar, Norvegjinë, që tashmë renditet e dyta.
Më pas, vendet më të lumtura në bota janë Danimarka, Islanda dhe Zvicra. Raporti në fjalë u publikua sot, vetëm pak ditë para Ditës së Lumturisë në Botë, më 20 mars.
Ky studim bën një renditje të vendeve më të lumtura duke u bazuar në të ardhurat, lirinë, besimin, pritshmëritë e jetës së shëndetshme, mbështetja sociale dhe bujaria.
Profesori John Helliwell tha se 5 shtetet që kryesojnë listën kanë thuajse vlera të barabarta të këtyre 6 faktorëve. Po ashtu, në një tjetër studim të këtij viti, rezulton se Finlanda ka emigrantët më të lumtur.
Diferencat në këto 5 shtete që janë më të lumturat në botë, janë mjaft të vogla. E gjashta në listë renditet Holanda, e ndjekur nga Kanadaja, Zelanda e Re, Suedia dhe Australia.
Në listën e vitit 2018, 10 shtetet më të lumtura ndryshuan pozitat me njëra-tjetrën krahasuar me 2017-ën, por asnjëra nga ato nuk doli nga lista e 10 vendeve më të mira. TIRANA TODAY
