Kosova nesër do të jetë në zi në nder të ish-presidentit George W. H. Bush. Lajmin e ka bë të ditur Presidenca e Kosovës, e cila shpallur 5 dhjetorin ditë zie për hir të respektit dhe vlerësimit të kontributit të ish-presidentit Bush për Kosovën.
Po ashtu, presidenti i Kosovës Hashim Thaçi do të marrë pjesë në ceremoninë e varrimit të ish-presidentit Bush, në SHBA.
Ndërkohë, dje ambasadori i ri amerikan në Kosovë, Philip Kosnnet, gjatë dorëzimit të letrave kredenciale ka vlerësuar lartë marrëdhënien e shtetit Amerikan dhe popullit të Kosovës, duke u bërë shkas për zinë e nesërme.
“Unë kam shërbyer 15 vite më parë në Kosovë, dhe më vjen mirë që më është dhënë rasti të shërbejë sërish në Kosovë. Amerika është këtu për ta përkrahur gjithmonë Kosovën. Mendoj se marrëdhëniet e Kosovës dhe SHBA janë marrëdhënie të cilat nuk mund të krahasohen me asnjë marrëdhënie tjetër në botë”, ka thënë dje Kosnett.
