Një operacion është zhvilluar herët mëngjesin e sotëm në Elbasan, ku policia ka arrestuar 45 persona dhe ka shpallur në kërkim 7 të tjerë.
Personat e rrestuar akuzohen për tafikim droge dhe pjesë e grupeve të strukturuara kriminele. Mirëpo teksa policia ka bërë disa arrestime, familjarët kanë shkuar në komisiariat ku po mbahen disa të arrestuar.
Një nga famijarët e të arrestuarve është shprehur se policia ka ushtruar kontrolle në orën 05.00, pa u dhënë informacion.
“Morën çunin, ja dyshonin për drogë. Gjë nuk gjetën. Ka që në orën 6 e djali rri brenda. Ishin 6-7 policë. Sikur jemi në diktaturë, sikur me pas kriminelë në shtëpi. Dyshojnë se nipi dikur ka bërë tregti droge“ u shpreh një grua.
Ndërsa një tjetër u shpreh se si prindër që janë duan që të dinë më shumë se për çfarë janë arrestuar fëmijët e tyre.
