Një ngjarje e rëndë është regjistruar këtë të mërkurë në Tiranë, ku një 42-vjeçar u arrestua pasi akuzohet se ka ushtruar dhunë ndaj bashkëjetueses së tij.
Policia e Tiranës njofton se ka vënë në pranga shtetasin 42-vjeçar me inicialet A. Ll.
Sipas njoftimit zyrtar, i dyshuari pasi ka ushtruar dhunë fizike ndaj bashkëjetueses ka tentuar ta djegë atë në banesën ku jetonin.
“Arrestohet shtetasi A. Ll., 42 vjeç, pasi dyshohet se ka ushtruar dhunë ndaj bashkëjetueses së tij, si dhe ka tentuar të djegë atë dhe banesën e tyre,” bëjnë me dije uniformat blu.
Materialet procedurale i janë referuar Prokurorisë së Tiranës, e cila do të vijojë hetimet për zbardhjen e plotë të ngjarjes.
