Katër vite më parë, më 19 prill të vitit 2013, Kosova dhe Serbia nënshkruan marrëveshjen prej 15 pikave, që parashikonin të normalizonin marrëdhëniet midis dy vendeve.
Në prani të Përfaqësueses së lartë të Bashkimit Evropian, Catherine Ashton, nga kryeministri i Kosovës, Hashim Thaçi dhe i Serbisë, së asaj periudhe, Ivica Daçiç, nisën dialogun midis tyre, që tani ka mbetur në udhëkryq.
Ky dialog u pezullua, me anë të një rezolute të Kuvendit të Kosovës, pas arrestimit të liderit të AAK-së, Ramush Haradinaj, nga autoritetet franceze në bazë të një fletë-arrestit të lëshuar nga Serbia. Analistët në Kosovë vlerësojnë se nga kjo marrëveshje nuk ka vend për t’u kënaqur, pasi, sipas tyre, shumica e marrëveshjeve të arritura nuk janë realizuar.
