Një ngjarje e rëndë ka ndodhur ditën e sotme, 23 nëntor, në Vorë.
Dy persona kanë mbetur të plagosur, njëri me armë e tjetri me thikë.
Policia informon se ngjarja ka ndodhur rreth orës 12:20.
Shtetasi E. H., 34 vjeç, ka plagosur me thikë në krah shtetasin K. M., 24 vjeç, banues në Vorë, pasagjer në automjetin me drejtues shtetasin E. M., 27 vjeç, (vëllezër).
Në këto momente, drejtuesi i automjetit (vëllai i të plagosurit), i cili është oficer ushtrie ka nxjerrë armën e shërbimit dhe ka plagosur autorin, shtetasin E.H.
Të dy të dëmtuarit janë shoqëruar në spital, për ndihmë mjekësore, ndërsa shtetasi E. M., është vetëdorëzuar në Polici, së bashku me armën e shërbimit.
Grupi hetimor po punon për sqarimin e rrethanave të ngjarjes.
