Liridon Latifi është kthyer në një lojtar protagonist te Pushkash Akademi, sidomos nëse i referohemi takimit të djeshëm. Skuadra hungareze fitoi me rezultatin 3-1 në transfertë ndaj Paks, teksa të tre golat u shënuan nga sulmuesi shqiptar.
Do të ishte gjeorgjani Bachana Arabuli, që do “e pagëzonte” futbollistin e Kombëtares me një emër të ri. Lionel, kështu e quajti Arabuli autorin e tre golave për Pushkash, që me nivelin e treguar për 90 minuta ka fituar edhe një krahasim deri diku të drejtë me yllin argjentinas, Messin.
Goli i parë erdhi në minutën e 23-të, kur shqiptari e barazoi rezultatin, duke ekzekutuar në mënyrë perfekt një goditje dënimi. Në fundin të pjesës së parë, lojtari humbi një rast ideal për të dyfishuar rezultatin.
Latifi u kthye në lojë duke shënuar edhe dy herë tjera në minutat 75′ e 82′. Goli i tretë i shqiptarit erdhi nga penalltia.
Numri i golave që shënoi sot Latifi është i barabartë me golat ka shënuar që kur ka kaluar në këtë klub.
