23 prilli është shpallur Dita Botërore e Librit me një rezolutë të UNESCO-s, në nder të librit dhe autorëve të tij.
Por, zgjedhja e kësaj date nuk ka qenë e rastësishme. Më 23 prill të vitit 1616 u nda nga jeta Servantes, Shekspiri dhe Garcilaso de la Vega, i mbiquajtur Inca.
Gjithashtu, 23 prilli shënon edhe lindjen/vdekjen e shkrimtarëve të tjerë, si Maurice Druon, K.Laxness, Vladimir Nabokov, Joseph Pla dhe Manuel Mejia Vallejo.
Për këtë arsye, Konferenca e Përgjithshme e UNESCO-s caktoi këtë datë më 15 nëntor të 1995, si Ditën Botërore të Librit për të inkurajuar të gjithë, sidomos të rinjtë, që të zbulojnë kënaqësitë e të lexuarit.
Ideja e përkujtimit të Ditës Botërore të Librit e ka origjinën e vet në Spanjë, në zonën e Katalonjës, ku atij që blinte një libër i dhurohej edhe një trëndafil.
