Një aksident rrugor i rëndë ka shkaktuar vdekjen e të paktën 21 personave në shtetin Puebla të Meksikës qendrore. Ngjarja tragjike ndodhi në një autostradë kur një kamion cisternë, duke tentuar të parakalojë, humbi kontrollin dhe përplasi një autobus dhe një furgon.
Sipas zyrtarit lokal Samuel Aguilar Pala, 18 persona humbën jetën në vendngjarje, ndërsa tre të tjerë ndërruan jetë në spital. Viktimat janë vetëm një pjesë e të prekurve nga aksidenti, pasi edhe disa persona të tjerë kanë mbetur të plagosur dhe po marrin trajtim mjekësor.
Gazeta “La Jornada” raportoi se kamioni, pasi kaloi në krahun e kundërt, u përplas fillimisht me autobusin, më pas me furgonin, dhe përfundoi në një luginë ku shpërtheu në flakë.
Ky është vetëm një nga disa aksidente fatale që kanë ndodhur kohët e fundit në rrugët e Meksikës. Në muajin shkurt, një tjetër përplasje tragjike në shtetin Tabasco mori jetën e dhjetëra personave. Autoritetet kanë nisur hetimet për shkaqet e aksidentit dhe janë në gatishmëri për të ndihmuar të plagosurit.
