2018-a viti i McGregor, irlandezi programon dy superduele

Ka kaluar më shumë se një vit, kur për herë të fundit ka zbritur në kafaz ikona e arteve marciale mikse, Conor MkGregori. Hera e fundit ishte kur mori titullin e dytë kampion bote, atë të peshës së lehtë përballë Eddie Alvarez.

Irlandezi pritet që shumë shpejt të rikthehet të duelojë, aq më shumë pasi iu hoqën të dy titujt. Premtimi i tij ka qenë që do të rikthehem në kafaz për një ndeshje të madhe, ku dhe fitimet e saj do të jenë të mëdha.

Mediat amerikanë kanë bërë me dije sot se irlandezi synon të zhvillojë dy përballje në muajt e mbetura të këtij viti, një gjatë verës dhe një në fund të 2018-ës. Sfida e parë mund të jetë ajo për titullin kampion të peshës së lehtë, për ta rimarrë këtë titull, me fituesin e duelit mes Tony Ferguson dhe Khabib Nurmagomedov. Dhe më pas, pritet që të zhvillojë duelin me Nate Diaz, për të përfunduar triilogjinë mes tyre (secili ka nga një fitore), një sfidë që e dëshirojnë të gjithë.