200 tonë mandarina kanë ‘fluturuar’ në drejtim të Phenianit, me anë të dy avionëve mallrash. Kjo ngarkesë e madhe është dërguar nga presidenti i Koresë së Jugut, dhuratë për liderin koreanoverior, pas kërpudhave të pranuara si dhuratë më herët.
Shtëpia e Kaltër njofton se presidenti koreanojugor, Moon Jae-in, ka falënderuar homologun e tij nga Veriu, Kim Jong-un për dhuratën që i kishte bërë në takimin në shtator, e cila përbëhej prej dy tonë kërpudhash. Kështu, ai ka vendosur t’i kthejë ‘borxhin’ duke i dërguar plot 200 tonë mandarina.
Kjo dhuratë do të gëzojë pa masë koreanoveriorët, pasi mandarinat janë frut që mungon në tregjet e atij vendi të izoluar nga shkaku i sanksioneve.
