Ish-kreu i Arkivave në Ministrinë e Brendshme, Kastriot Dervishi ka risjellë në vëmendjen e opinionit publik grabitjen që iu bë Thesarit të Shtetit në Kërrabë 20 vite më parë.
Përmes një shkrimi në profilin e tij në Facebook, Dervishi vë në dukje se përveç thesarit, aty u shkatërrua edhe një pjesë e Arkivit të Ministrisë së Brendshme.
“Më 13.3.1997 objekti shtetëror në Kërrabë të Tiranës ku ruhej thesari i shtetit dhe një pjesë e Arkivit të Ministrisë së Brendshme u plaçkit dhe u shkatërrua. Një dëm i pallogaritshëm iu shkaktua shtetit shqiptar në atë kohë të vështirë, por indiferentizmi i mëvonshëm nuk ishte më i pakët. I njëjti indiferentizëm vazhdon të jetë njësoj”, shkruan ai.
