PSG nuk njeh limite kur vjen merkato. Pavarësisht se situata e Fair Play-t Financiar nuk është akoma e qartë dhe ndoshta parisienëve do t’iu duhet të shesin njërin nga yjet e skuadrës mes Neymar dhe Mbappe, ata kanë vendosur të investojnë. Bëhet fjalë për dy talentet holandezë më në zë të momentit.
Sipas të përditshmes spanjolle “Marca”, klubi francez ka bërë gati një ofertë faraonike, për të marrë nga Ajaxi dy futbollistët e talentuar holandezë, De Ligt dhe De Jong. Po sipas të përditshmes spanjolle, klubi i kryeqytetit francez ka ofruar plot 150 milionë euro për kartonët e të dy lojtarëve, që po spikatin me paraqitjet e tyre.
Vlen të theksohet se konkurrenca e PSG-së në këtë rast është shumë e fortë, pasi për futbollistët ka oferta nga Barcelona, Reali i Madridit, Inter dhe Manchester United.
