Një ngjarje e rrallë ka ndodhur në Pensilvani të SHBA-ve, ku një burrë i armatosur është dorëzuar pas 10 orësh vetëm pasi një nga policët këndoi këngën e Krishtlindjes.
Nathaniel Lewis, 34 vjeç nisi të qëllonte me armë gjatë mbrëmjes së Krishtlindjes. Alarmi u dha nga një kushëri i tij, i cili njoftoi policinë, pasi 34-vjeçari nisi të shtinte si i krisur.
Të shtënat goditën një automjet të policisë, një shtëpi dhe një automjet tjetër. Por, edhe pas përpjekjeve të policisë për të negociuar me të, ai ka bërë rezistencë. Më në fund, pas 10 orësh, burri me armë u dorëzua, kur një oficer nisi të këndonte nëj nga këngët e Krishtlindjes.
Lewis është marrë në paraburgim. Ai është akuzuar me akuza të shumta për vrasje në tentativë, sulme të rënda dhe vepra të tjera.
Policia nuk dha detaje për të sqaruar nëse 34-vjeçari u dorëzua sepse e pëlqente këngën, apo pasi nuk pëlqente mënyrën se si po këndohej nga oficeri i policisë.
