Një muaj paraburgim është masa e caktuar për deputetin Demaliaj. Deputeti kosovar i AAK, Shkumbin Demaliaj, do të qëndrojë në paraburgim për 30 ditë. Ky është vendimi që ka dhënë Gjykata Themelore e Prishtinës, duke zbatuar kështu kërkesën e Prokurorisë.
Ai u prangos një ditë më parë, për kanosje. Në një emision televiziv, ai kishte kërcënuar ish-prokurorin Elez Baklaj, pas hetimeve të këtij të fundit për listën e veteranëve të luftës.
Deputeti Shkumbin Demaliaj do të qëndrojë në paraburgim deri më datë 27 tetor. Po kështu, edhe deputeti tjetër Milaim Zeka, i cili u arrestua para dy ditësh, do të qëndrojë në paraburgim për 30 ditë, i akuzuar edhe ai për “kanosje” ndaj ish-prokurorit.
