Mesfushori Amir Kahrimanovic ka bërë të ditur largimin e tij nga Vllaznia, duke i dhënë fund aventurës që zgjati vetëm një sezon me ekipin shkodran.
Kahrimanovic ishte bashkuar me Vllazninë verën e kaluar, pasi u transferua nga skuadra e Erzenit. Lajmi i largimit të tij vjen në një periudhë kur klubi shkodran po përjeton ndryshime të shumta në merkato, si në radhët e ardhjeve, ashtu edhe të largimeve.
Përmes një postimi në rrjetet sociale, lojtari ka njoftuar ndarjen nga klubi, duke shtuar se ka shumë për të thënë, por ka zgjedhur të mjaftohet me një mesazh falënderimi për periudhën e kaluar në Shkodër.
