Sekretari i Përgjithshëm i Partisë së Lirisë, Tedi Blushi në një status në “Facebook”, është shprehur se program i kandidatit për Bashkinë e Tiranës, do të jetë një ndihmë e madhe për bizneset.
Më tej thekson se duke votuar Këlliçin në 14 maj, bizneset do të shpëtojnë nga taksat abuzive të bashkisë, pasi plani i tij është plotësisht i realizueshëm.
REAGIMI I PLOTË:
Belind Këlliçi ka një plan konkret dhe plotësisht të realizueshëm në ndihmë të të gjitha bizneseve në Bashkinë e Tiranës.
Vetëm duke votuar për Belind Këlliçin më 14 Maj, bizneset do të marrin frymë lirisht, do të përfitojnë më shumë të ardhura duke paguar më pak taksa dhe tarifa, si dhe do të shpëtojnë përgjithmonë nga taksidarët abuzues të Bashkisë, që po i mbysin me gjoba!
Plani i Belindit parashikon:
ZERO – Hiqet taksa e përkohshme për Infrastrukturën Arsimore.
ZERO – Hiqet taksa e Tokës Bujqësore (pjesa që i takon Bashkisë).
30% MË PAK – Reduktohet me 30% Taksa e Fjetjes në Hotel.
30% MË PAK – Reduktohet me 30% Taksa e Tabelës Informuese.
30% MË PAK – Reduktohet me 30% Taksa e Truallit.
30% MË PAK – Reduktohet me 30% Taksa mbi Ndërtesën.
Nga këto reduktime taksash biznesi i vogël përfiton 4,000 – 9,000 lekë.
Biznesi i mesëm përfiton 15,000 – 27,000 lekë.
Ndërmarrjet bujqësore përfitojnë 1,800 – 5,600 lekë për hektarë në varësi të tokës.
Bizneset në sektorin e Hotelerisë do të përfitojnë nga 40 – 100 lekë për çdo fjetje.
Bizneset që kanë tabela të thjeshta do të përfitojnë një ulje deri në 13,500 lekë për m2 në vit.
Bizneset që kanë tabela elektronike do të përfitojnë një ulje deri në 27,000 lekë për m2 në vit.
Bizneset që kanë truall në të ardhmen do të paguajnë 30% më pak apo 0,39 lekë/m2 në vit.
Bizneset në të ardhmen për taksën mbi ndërtesën do të paguajnë 30% më pak apo e thënë ndryshe përllogaritja do të bëhet: çmimi i referencës x 0,98 x 1,4%.
50% MË PAK – Reduktohet me 50% Tarifa e Pastrimit dhe Gjelbërimit.
50% MË PAK – Reduktohet me 50% Tarifa e Zënies së Hapësirës Publike.
Nga këto reduktime tarifash, biznesi i vogël përfiton 1,750 – 6,000 lekë në vit.
Biznesi i mesëm përfiton nga 10,000 – 25,000 lekë.
Biznesi VIP përfiton nga 25,000 – 225,000 lekë.
Bizneset e shërbimeve që përdorin hapësirat publike do të përfitojnë në varësi të zonave 200 – 750 lekë për m2, për çdo muaj.
Është kaq e thjeshtë! Është në dorën tuaj!
Bashkë Fitojmë!
