Presidenti ukrainas Volodymyr Zelensky tha të enjten se Kievi deri më tani kishte siguruar 1.5 miliardë dollarë nga aleatët e tij evropianë për të blerë armë amerikane, si pjesë e një mekanizmi që ai tha se “forcon vërtet mbrojtjen tonë”.
Që nga sot, ne tashmë kemi 1.5 miliardë dollarë të zotuar.
Përmes iniciativës së Listës së Kërkesave të Përparësuara të NATO-s për Ukrainën, anëtarët e NATO-s mund të bashkëpunojnë për të blerë armë të prodhuara në SHBA për Ukrainën – një mekanizëm që vërtet forcon mbrojtjen tonë”, shkroi ai në X.
Ai tha se Holanda kontribuoi me 500 milionë dollarë, Danimarka, Norvegjia dhe Suedia premtuan së bashku 500 milionë dollarë, ndërsa Gjermania premtoi 500 milionë dollarë të tjerë.
‘Ne vazhdojmë të flasim me kombet e tjera.
Çdo kontribut në PURL është një investim i drejtpërdrejtë në aftësinë tonë për të mbrojtur jetën e njerëzve tanë dhe për të afruar një paqe dinjitoze.
Falënderoj të gjithë aleatët tanë që qëndruan në krah të Ukrainës’, theksoi presidenti Zelensky.
Deklarata e Zelenskyt vjen një ditë para takimit të presidentit amerikan Donald Trump dhe homologut rus, Vladimir Putin në Alaskë, në një samit që në agjendë do të ketë luftën e Ukrainës.
