Presidenti Volodymyr Zelensky ka dënuar një sulm “demonstrativ dhe cinik” ndaj një pallati banimi në Kharkiv gjatë natës, duke theksuar se Rusia “nuk duhet të shpërblehet” për luftën e saj kundër vendit të tij.
Në një postim në X, udhëheqësi ukrainas thotë se Rusia është në dijeni që sot në Uashington po mbahet një takim për t’i dhënë fund luftës dhe ndërkohë po sulmon rajonet e Kharkivit, Zaporizhias, Sumyt dhe Odesës.
“Mekanizmi ushtarak rus vazhdon të shkatërrojë jetë pavarësisht gjithçkaje. Putini do të kryejë vrasje demonstrative për të mbajtur presionin mbi Ukrainën dhe Evropën, si dhe për të poshtëruar përpjekjet diplomatike.”- shkruan ai.
“Pikërisht për këtë arsye po kërkojmë ndihmë për t’i dhënë fund vrasjeve. Për këtë arsye duhen garanci të besueshme sigurie. Për këtë arsye Rusia nuk duhet të shpërblehet për pjesëmarrjen e saj në këtë luftë.”
