Presidenti ukrainas Volodymyr Zelensky deklaroi se është gati të zhvillojë zgjedhje presidenciale në Ukrainë, duke iu përgjigjur kërkesës së dërguar nga Shtetet e Bashkuara të Amerikës, raporton Kyiv Post.
“Shtetet e Bashkuara të Amerikës dërguan një kërkesë për të mbajtur zgjedhje presidenciale dhe unë u thashë atyre se do të isha gati për zgjedhje të tilla”, u tha Zelensky gazetarëve të enjten në mëngjes.
Ai shtoi se për momentin nuk po shqyrtohen zgjedhje parlamentare apo lokale.
Duke komentuar mbi mundësitë e votimit për ukrainasit jashtë vendit, Zelensky tha se ai e ka mbështetur prej kohësh futjen e votimit në distancë ose elektronik.
Gjithmonë e kam mbështetur dhe që nga fillimi i Covid-it e kam ngritur çështjen e ndryshimeve legjislative në mënyrë që njerëzit të mund të votojnë online, por deri më tani nuk kemi arritur të arrijmë një konsensus me deputetët”, tha ai.
Sipas Zelenskyt, deri më tani nuk ka pasur përparim në parlament kur bëhet fjalë për ndryshimet në legjislacionin zgjedhor të Ukrainës.
“Për sa di unë, ende nuk ka diçka të tillë, por u kam dhënë të gjitha sinjalet”, tha Zelensky, duke iu përgjigjur pyetjes nëse deputetët po punojnë për ndryshime në ligjin zgjedhor.
