300 kilogramë eksploziv janë zbuluar në pikën kufitare të Zvërnicës. Gjatë kontrollit fizik në një furgon në Doganën e Kosovës, janë gjetur disa mallra të ndaluara dhe të rrezikshme (eksploziv). Ato ishin të vendosura në thasë dhe në pako.
Mallrat ishin fshehur në bagazhin e automjetit dhe të mbuluara me pajisje peshkimi. Shoferi i furgonit është shoqëruar drejt ambienteve të komisriatit, ndërsa policia po heton më shumë mbi rastin.
“Malli është ndaluar, ndërsa ndaj palës është iniciuar procedurë për kundërvajtje doganore, sipas dispozitave të Kodit Doganor dhe të Akcizave të Kosovës (KDAK), ndërsa rasti i është dorëzuar Policisë Kufitare, e cila po vazhdon me veprimet e mëtejshme ligjore”, thuhet në njoftim e policisë.
