Ethan Crumbley, adoleshenti që vrau me armë zjarri katër studentë në shkollën e mesme të Oksfordit, mund të dënohet me burgim të përjetshëm.
Crumbley, ishte 15 vjeç kur hapi zjarr në shkollë më 30 nëntor 2021. Ai është deklaruar fajtor për një akuzë të terrorizmit që ka shkaktuar vdekjen, katër akuza për vrasje të shkallës së parë. Përveç katër nxënësve të vrarë, shtatë persona, përfshirë një mësues mbetën të plagosën.
Sot, gjykatësi i Gjykatës së Qarkut Oakland, Kwamé Rowe tha se Crumbley mund të dënohet me burgim të përjetshëm pa mundësinë e lirimit me kusht raporton CNN.
Por fati i Crumbley mbetet i pasigurt, pasi dënimi i tij zyrtar është planifikuar të bëhet më 8 dhjetor. Ndërsa ai ka të drejtë për një dënim të përjetshëm pa lirim me kusht, Crumbley mund të marrë ende një dënim të përjetshëm me mundësinë e lirimit me kusht. Të plagosurit nga të shtënat dhe anëtarët e familjeve të viktimave pritet të japin deklarata për ndikimin e viktimave në seancën e dënimit në Pontiac, Michigan, përpara se Rowe të japë dënimin e Crumbley.
