Analisti Mentor Nazarko ka theksuar se personalizimi i votës në zgjedhjet e ardhshme mund të kufizojë ndikimin e kryetarëve të partive dhe të sjellë prirje të reja në elektorat.
Në një emision televiziv, Nazarko vuri në dukje se votuesit e rinj nga diaspora mund të orientojnë mbështetjen e tyre drejt figurave të reja politike ose partive të vogla, duke sjellë ndryshime në peizazhin politik.
Sipas tij, futja e votuesve të diasporës dhe prania e partive të vogla janë faktorë që mund të ndikojnë projektimet elektorale. Diaspora mund të mos ndjekë preferencat elektorale të familjeve të tyre në Shqipëri, por mund të sjellë një qasje të re, duke rritur shanset për partitë më të vogla dhe për individë të veçantë.
Nazarko gjithashtu përmendi sfidat teknike dhe politike të sistemit të ri të votimit, duke theksuar se nëse ky sistem personalizon votën, ndikimi i liderëve partiakë do të zvogëlohet. Kjo, sipas tij, mund të rrisë peshën e individëve dhe të ndryshojë dinamikat e zgjedhjeve, një skenar që ngjan me zgjedhjet e vitit 1998, kur kombinimi i sistemeve mazhoritar dhe proporcional pati një efekt të ngjashëm.
Ai ngriti gjithashtu pikëpyetje mbi pretendimet e opozitës se votuesit e larguar gjatë viteve të fundit janë mbështetës të saj, duke vënë në dyshim logjikën e kërkesave për amendamente. Nazarko sugjeroi se votuesit e rinj me dokumente të rinovuara mund të mos kenë lidhje të forta me Shqipërinë dhe për rrjedhojë mund të mos ndjekin bindjet tradicionale elektorale.
“Nëse mund të bëj një vërejtje për atë projektimin, ai nuk mban parasysh faktin që është votuesi i diasporës. Me atë rezultat, te shifrat në vlerë absolute, nëse në nivel Shqipërie kanë marrë 1.1 milion, mendojmë se do të ketë 1.4 milionë. Ka dy faktorë, që e mbajnë peng atë lloj projektimi. E para, futja e partive të vogla dhe e dyta, futja e diasporës. A do ruajë të njëjtin preferencë elektorale si familjet e tyre, të afërmit që janë në Shqipëri, apo do të sjellin prirje të reja preferenciale për partitë e vogla? Ajo që është interesante, që në një kuptim, këto zgjedhje i ngjajnë atij të Kushtetutës në 1998. Ishin 100 deputetë që zgjidhesin me mazhoritar, dhe mandatet e tjera, proporcional. Problemi është si do votohet? Do votohet me një fletë votimi? Nëse ka një emërues të përbashkët të risisë të këtij sistemi hibrid, është fakti që duke u personalizuar vota, kufizohet ndikimi i kryetarëve të partive. Ky është elementi i parë. Elementi i dytë, rritet mundësia që partitë e vogla të jenë tëheqëse elektoralisht, dhe natyrisht rritet edhe ndikimi i votuesit të diasporës.
Votuesi i diasporës mund të zgjedhë figura të reja. Kjo është interesante. Një konsideratë për kërkesën e opozitës për amendamentin e saj. Cilët janë ata individë që kanë dokumente të parinovcuiara? Janë votues të rinj, që i ka kufizuar marrëdhëniet me Shqipërinë. Kjo është pikëpyetje. Nëse është votues, jo moshë e re, ka paradoks te kjo kërkesa e opozitës. Opzoita prertendotn që ata që kanë ikur vitet e fundit tëq everisjes Rama, janë votues të saj. Ata që kanë ikur kanë dokumente të rinovuara, është pa sens”, theksoi Nazarko.
