Presidentja e Komisionit Evropian do të vizitojë sot Prishtinën, menjëherë pas Beogradit, si vazhdim të turit të saj ballkanik. Ajo do të qëndrojë në Prishtinë disa orë dhe më pas do të niset drejt Shkupit.
Presidentja e Komisionit Evropian, Ursula von der Leyen, do të takohet këtë të mërkurë me kryeministrin në detyrë të Republikës së Kosovës, Albin Kurti, por jo në ndërtesën e Qeverisë.
Ekonomia Online në Prishtinë raporton se takimi mes tyre do të zhvillohet në Kuvendin e Kosovës, sipas agjendës zyrtare të publikuar nga Zyra e Kryeministrit.
“Agjenda e Kryeministrit të Republikës së Kosovës e datës 15.10.2025 Kryeministri në detyrë i Republikës së Kosovës, Albin Kurti, takon Ursula von der Leyen, Presidente e Komisionit Evropian. VENDI: Ndërtesa e Kuvendit të Kosovës, salla C301 KOHA: 14:05”, thuhet në njoftim.
