Dusan Vlahoviç dhe Juventus mund të ndajnë rrugët në vijim, për faktin se lojtari nuk ndihet mirë te torinezët, por dhe vetë drejtuesit e skuadrës janë të pakënaqur prej tij. Sipas mediave italiane, serbi ka shprehur dëshirën për tu larguar, madje dhe skuadrën që preferon ti bashkohet, e bëhet fjalë për Milanin. 25-vjecari ka refuzuar ofertat e ardhura nga Turqia e Arabia Saudite, duke këmbëngulur për një kalim në San Siro.
Kalimi i tij në Milano është i mundur, por problem mbetet paga e lartë që lojtari kërkon, pasi kuqezintjë i ofrojnë 7 milionë euro, 5 më pak nga çfarë pretendon Vlahoviç, shumë të cilën ia garantoi Fenerbahçe në Turqi, por futbollisti nuk pranoi. Kartoni i tij vlen 20 milionë euro, një shumë që mund të arrihet nga presidenca e Milanit, por paga e lojtarit i tremb drejtuesit, të cilët vijojnë tratativat për ta ulur atë.
Në një situatë kur Vlahoviç është me një këmbë i larguar, bardhezinjtë nuk qëndrojnë duarbosh. Viktor Osimhen, Jonathan David apo Viktor Gyokeres janë 3 të preferuarit e Tudor, për të cilët po punohet për të bindur të paktën njërin prej tyre. David ka më tepër gjasa që të pranonte një kalim ën Torino, pasi dyshja Osimhen-Gyokeres kanë një vlerë të lartë të kartonit, që vështirë se mund të përballohet nga Zonja.
