Është viti 1997, 11 maj, dhe Geri Kasparov është i përkulur mbi një fushë shahu, dukshëm i irrituar. Ai ‘përpëlitet’ midis lëvizjeve dhe tund kokën me mosbesim ndërsa pret që kundërshtari i tij të japë goditjen e fundit, atë të një fitoreje të pashmangshme. Përfundimisht Kasparov bën lëvizjen e tij, ngrihet dhe ikën nga tavolina. Ai ngre krahët, i shtangur që ishte mundur nga një kompjuter.
Kundërshtari i tij ishte superkompjuteri IBM Deep Blue, një makineri e aftë të analizonte mesatarisht 200,000,000 lëvizje në sekondë. Por, duke hyrë në lojë, Kasparov u duk i sigurtë. Ai ishte Michael Jordan-i i shahut në atë kohë. Kishte mundur kompjuterët që kishin luajtur shah që nga vitet 1980 dhe konsiderohej pothuajse i pamposhtur.
Kështu që kur Kasparov, një nga lojtarët më të mirë të shahut të të gjitha kohërave, humbi ndaj një kompjuteri para publikut global, njerëzit filluan të pyesnin nëse ishte vetëm çështje kohe para se makineritë të kapërcenin njerëzit në aspekte të tjera të jetës.
Menjëherë pas ndeshjes, Kasparov u hidhërua. Në dhjetor 2016, duke diskutuar ndeshjen në një podcast me neuroshkencëtarin Sam Harris, Kasparov këshilloi të ndryshonte pikëpamja rreth kësaj ndeshjeje. Kasparov tha: “Ndërsa shkruaja librin, bëra shumë hulumtime – duke analizuar lojëra me kompjuterë modernë, madje edhe një ekzaminim të ndërgjegjes – dhe ndryshova konkluzionet e mia. Unë nuk shkruaj letra dashurie për IBM-në, por respekti im për ekipin e Deep Blue është rritur dhe mendimet e mia për ndeshjen mes meje dhe Deep Blue janë rralluar. Sot mund të blesh një motor shahu për laptopin tën që do ta mundte Deep Blue-n mjaft lehtë “.
Ajo ndeshje e veçantë ishte e para nga një total prej gjashtë ndeshjesh të luajtura në Filadelfia. Kasparov u kthye në pesë ndeshjet e ardhshme, duke arritur dy barazime dhe tre fitore, që e bëri fitues në fund të fundit. Fitorja e Deep Blue u pa si shumë simbolike dhe domethënëse, një shenjë që inteligjenca artificiale po arrinte inteligjencën njerëzore dhe mund të mposhtte një nga kampionët më të mëdhenj të njerëzimit. Analiza pasuese tentoi të minimizonte humbjen e Kasparovit si rrjedhim i një ndeshjeje jashtëzakonisht të keqe nga Kasparov./ Burimi: Rare Historical Photos/TIRANA TODAY
