Sulmet ruse me dronë kanë plagosur të paktën 20 persona në Kiev, teksa një fëmijë ka mbetur viktim i sulmeve.
Janë shkaktuar dëmtime ndërtesash banimi dhe ndërprerje e energjisë elektrike në të gjithë Ukrainën gjatë ditës së sotme.
Gjithashtu, raportohet se një fëmijë ka mbetur viktim nga një sulm në juglindje të vendit.
Në Kiev, ekipet e shpëtimit kanë arritur të evakuuojnë më shumë se 20 persona nga një ndërtesë 17-katëshe, ndërsa flakët kanë përfshirë katet e gjashtë dhe të shtatë.
“Të gjithë po flinin dhe papritmas dëgjohej një zhurmë kaq e mprehtë. Ishte e qartë se diçka po fluturonte. Arrita ta mbuloja kokën me batanije dhe pastaj goditja goditi dritaret, dhe xhami fluturoi pothuajse deri në derë”, tha për Associated Press, banorja 61-vjeçare Tetiana Lemishevska.
Sulmet ruse shënjestruan infrastrukturën civile dhe atë të energjisë, ndërsa Ukraina përgatitej për rënien e temperaturave të dimrit, tha Presidenti Volodymyr Zelenskyy për situatën aktuale të sulmeve.
