Ministri i Jashtëm i Serbisë, Ivica Daçiç në një material video të publikuar nga ‘RTS Sajt’, shikohet duke kënduar një këngë Presidentit Erdogan dhe delegacionit turk. Ky i fundit ka qenë i pranishëm një vizitë zyrtare në Beograd, ku kanë darkuar me përfaqësues të lartë të shtetit serb.
Në një prej videove shfaqet Daçiç teksa i afrohet tryezës ku ndodhej Presidenti turk Recep Tayyip Erdogan dhe homologu i tij serb, Aleksandër Vuçiç sëbashku me bashkëshortet. Kënga që ai dëgjohet të këndojë në turqisht është “Osman Aga”, një këngë e kënduar në shumë vende ballkanike, përfshirë edhe Shqipërinë.
Ndërsa ministri Daçiç, cili jo rrallë është shënjestër e gazetarëve të cilët e kritikojnë pse nuk flet anglisht, zgjodhi të këndojë një këngë turke, për nder të Presidentit turk Rexhep Tajip Erdogan.
Daçiç nxiti duartrokitje te të gjithë të pranishmit në sallë, përfshirë dhe Erdogan, duke arritur madje që të argëtonte edhe vetë presidentin Aleksandar Vuçiç.
Kreu i diplomacisë serbe dëshmoi edhe njëherë se ai di si të krijojë atmosferë dhe të kënaqë delegacionin e huaj, përfundon shkrimin Kurir.
