Zëdhënësi i ushtrisë izraelite, Avichay Adraee, lëshoi një “alarm urgjent” për njerëzit në periferitë jugore të Bejrutit, veçanërisht në lagjet Hadath, Haret Hreik dhe Bourj el-Barajné.
Ai e shoqëroi mesazhin e tij me harta që tregonin ndërtesat e kërcënuara nga ushtria izraelite.
“Ju jeni pranë objekteve që i përkasin partisë terroriste Hezbollah”, shkroi ai.
“Për sigurinë tuaj dhe të familjeve tuaja, jeni të detyruar të evakuoni menjëherë këto ndërtesa dhe të largoheni të paktën 300 metra larg tyre”.
Në Hadath, dy ndërtesa të synuara ndodhen midis Shkollës Publike Dani dhe Shkollës së Mesme Toulouse. Tre të tjera ndodhen midis fshatit Kafaat dhe Shkollës së Mesme Pilot të Bejrutit.
Në Haret Hreik, dy ndërtesa të synuara ndodhen midis Shkollës së Mesme të Arteve dhe kompleksit Sayyed el-Shuhada. Një ndërtesë tjetër, në anën tjetër të kompleksit, në Bourj el-Barajne, është gjithashtu nën kërcënim.
