Ushtria izraelite tha se kishte informuar personelin mjekësor dhe grupet humanitare në Gazën veriore që të fillonin hartimin e planeve për evakuimin e civilëve në jug, përpara ofensivës ushtarake për të pushtuar zonën.
Këtë javë, zyrtarët ushtarakë izraelitë informuan “zyrtarët mjekësorë dhe organizatat ndërkombëtare në Rripin verior të Gazës që të përgatiten për evakuimin e popullsisë në Rripin jugor të Gazës”, – sipas një deklarate të lëshuar nga ushtria.
Kryeministri izraelit Benjamin Netanyahu tha se edhe nëse Hamasi e pranonte marrëveshjen e armëpushimit, Izraeli do të merrte kontrollin e Gazës. “Ne do ta bëjmë pavarësisht kësaj. Nuk kishte kurrë dyshim se nuk do ta linim Hamasin atje”, tha Netanyahu për Sky Neës. “Por kjo luftë mund të përfundojë sot, nëse Hamasi i dorëzon armët dhe liron 50 pengjet e mbetura”.
Kryeministri më pas argumentoi se qëllimi i tij nuk është “të pushtojë Gazën, por ta çlirojë atë nga tirania e Hamasit” dhe “mendoj se jemi afër arritjes së kësaj”. Kjo “do të thotë pushtimi i fortifikimeve të fundit të Hamasit”.
