Israel Adesanya ruajti titullin e tij në peshën e mesme mëngjesin e sotëm duke mundur italianin Marvin Vettori me vendim unanim në ndeshjen kryesore në UFC 263 në Gila River Arena në Arizona.
Adesanya, i cili e dominoi Italianin me vendim të ndarë gjyqtarësh në 2018-ën, ishte superior në gjithçka, duke fituar ndeshjen 50-45 në të tre shënimet e gjyqtarëve.
Kjo fitore e çoi rekordin profesional të kampionit nigerian në 21-1, me Adesanya-n që rikthehet me fitore pas disfatës së tij të parë si profesionist; humbja me pikë ndaj mbajtësit të titullit të peshave të rënda Jan Blachoëicz në mars. Kjo shënoi mbrojtjen e tretë të suksesshme të Adesanya-s të titullit të tij në peshën e mesme.
Në ndeshjen tjetër kryesore, meksikani Brandon Moreno mundi mbajtësin e titullit në kategorinë ‘flyweight’ Deiveson Figueiredo duke u bërë kështu kampioni i parë UFC i lindur dhe formuar në Meksikë. Moreno, i cili u nda në barazim me brazilianin në dhjetor, e dorëzoi Figueiredo-n me mbytje nga prapa “rear naked choke” në raundin e tretë.
Në ndeshjen tjetër me interes për publikun, Leon Edwards i mbijetoi zgjimit me vonesë të Nate Diaz në pikë. Luftëtari Xhamajkan, Nr. 3 në renditjen e peshave të lehta, dominoi deri në minutën e fundit, kur një e majtë e drejtpërdrejtë nga Diaz e tronditi ndjeshëm. Sidoqoftë, Edwards vazhdoi rrugën, duke triumfuar 49-46 në të tre shënimet e gjyqtarëve dhe duke e çuar serinë e tij të fitoreve në 10. /Totila Kotorri-TIRANA TODAY
