Një e re ka përjetuar tmerr në duart e një 36-vjeçari, në Britani të Madhe, teksa ai u përpoq ta përdhunonte.
Ngjarja e rëndë ka ndodhur në Leicester, teksa mediat e huaja kanë publikuar edhe momentet kur burri e tërheq me forcë drejt makinës së tij.
Sipas asaj që raportohet, 36-vjeçari Ghulan Mohammed iu afrua vajzës pasi e pa duke ecur e vetme në rrugët e qendrës së qytetit. Pasi bisedoi me të për rreth një orë, ai e bindi që të hipte në makinë e tij, me justifikimin se do e shoqëronte për në shtëpi.
Por, sapo vajza hipi në sediljen e pasme të makinës, ai e çoi atë drejt një zone të largët dhe të papopulluar ku e sulmoi dhe tentoi ta përdhunonte. Fatmirësisht, ajo arriti të largohej, teksa kamerat e sigurisë kanë filmuar dhe një moment kur ajo kërkon ndihmë e dëshpëruar në një pikë karburanit. Megjithatë, Mohammed i shkon nga pas dhe e tërheq me forcë për ta futur në makinë.
