Arrestimi më i profilit të lartë ishte ai i kryetarit të bashkisë së Stambollit , Ekrem Imamoglu sfiduesi kryesor i sundimit 22-vjeçar të Presidentit Rexhep Tajip Erdogan . Imamoglu u burgos në mars, duke shkaktuar protestat më të mëdha publike në një dekadë.
Turqia arrestoi tre kryetarë të tjerë bashkie nga partia kryesore e opozitës të shtunën, sipas një deklarate të prokurorit dhe raporteve të medias. Gjatë muajve të fundit, autoritetet turke kanë nisur një goditje të madhe, duke arrestuar qindra anëtarë të Partisë Republikane Popullore (CHP) , përfshirë 11 kryetarë bashkie.
Zyra e kryeprokurorit të Stambollit tha se kryetarët e bashkive të tre qyteteve të mëdha jugore u arrestuan me akuza për zhvatje, së bashku me tetë persona të tjerë. Të ndaluarit ishin kryetarët e bashkive të qytetit jugor të Adanës, qytetit turistik jugor të Antalias dhe qytetit juglindor të Adiyamanit, thanë zyrtarët e partisë CHP.
“Kryebashkiaku ynë i Adanas Zeydan Karalar, kryetari i Antalias Muhittin Bocek dhe kryetari i bashkisë së Adiyamanit Abdurrahman Tutdere janë arrestuar,” shkroi Mansur Yavas kryebashkiaku i Ankarasë në X. Rivali kryesor politik i Erdoganit, Imamoglu, mbetet në burg në pritje të gjyqit për akuza për korrupsion, të cilat ai i mohon.
