Një turist japonez ka ndërruar jetë pasi është rrëzuar nga muri i jashtëm i Panteonit në Romë. 69-vjeçari ishte ulur në mur përpara se të binte nga një lartësi 7 metra në hendekun e monumentit të lashtë.
Ngjarja e rëndë u regjistrua të premten në mbrëmje. Ekipet e shpëtimit u detyruan të hapnin me forcë një portë në Via della Palombella jashtë Panteonit për të arritur te burri, i cili u shpall i vdekur në vendngjarje. Policia e Romës ka hapur një hetim. Mësohet se viktima po vizitonte Romën me vajzën e tij.
