Presidenti Donald Trump ka deklaruar se telefonat inteligjentë dhe pajisje të tjera elektronike prodhuar në Kinë nuk do të përjashtohen nga tarifat, duke sqaruar se ato thjesht do të kalojnë në një formë të ndryshme taksash
Kjo deklaratë vjen pas njoftimit të premten, ku tregjet evropiane të aksioneve shënuan një rritje pas lajmit se disa produkte nga Kina do t’i shpëtonin taksës që mund të arrinte deri në 145%.
Megjithatë, Kina ka kërkuar që Trump të “anulojë plotësisht” regjimin e tij të tarifave dhe të “kthehet në rrugën e duhur të respektit të ndërsjellë”. Përkundër kësaj, zyrtarët amerikanë thanë se produktet do t’i nënshtrohen një “tarifash gjysmëpërçuese”, dhe Trump ka paralajmëruar se më shumë detaje do të bëhen të njohura më vonë.
Sekretari i Tregtisë i SHBA-së, Howard Lutnick, theksoi se tarifat e reja do të jenë shtesë ndaj një sërë tarifash globale që SHBA kishte vendosur më herët gjatë këtij muaji, dhe që u ndaluan për 90 ditë. Ai shtoi se Amerika ka nevojë për produkte të tilla si ilaçe, gjysmëpërçues dhe elektronikë, që do të prodhohen brenda vendit.
Një njoftim doganor amerikan i doli në dritë të shtunën, ku u bë e ditur se telefonat inteligjentë, kompjuterët dhe disa pajisje të tjera elektronike do të përjashtoheshin nga tarifa 125% për mallrat që hyjnë nga Kina. Por Trump, në një postim në mediat sociale, hodhi poshtë këto raporte, duke i quajtur ato “të rreme” dhe duke sqaruar se këto produkte do të kalonin vetëm në një “kovë” tjetër tarifore
