Presidenti i Shtetet e Bashkuara të Amerikës, Donald Trump, deklaroi se rezervat amerikane të municioneve janë në nivele rekord, duke theksuar se vendi ka kapacitete të mjaftueshme për të zhvilluar luftë për një kohë të pacaktuar.
Në një postim në platformën Truth Social, Trump shkroi se rezervat e municioneve të nivelit të mesëm dhe të lartë në Amerikë nuk kanë qenë kurrë më të larta ose më të mira.
“Siç më thanë sot, ne kemi një furnizim praktikisht të pakufizuar të këtyre armëve. Luftërat mund të zhvillohen përgjithmonë dhe me shumë sukses, duke përdorur vetëm këto rezerva, të cilat janë më të mira se armët më të mira të vendeve të tjera”, theksoi ai.
Megjithatë, presidenti shtoi se, ndonëse rezervat janë të konsiderueshme, ende ka hapësirë për forcim të mëtejshëm të kapaciteteve ushtarake. “Ne kemi një rezervë të mirë, por nuk jemi aty ku duam të jemi. Shumë armë të tjera me cilësi të lartë janë të ruajtura për ne në vendet periferike”, u shpreh Trump.
