Presidenti amerikan Donald Trump konfirmoi se do të marrë pjesë në funeralin e aktivitetit Charlie Kirk.
“Funerali do të mbahet në Arizona. Ata më kanë kërkuar të shkoj dhe unë e kam për detyrim. Kur të jetë caktuar funerali, unë do të shkoj”, tha Trump.
Duke folur me gazetarët në Shtëpinë e Bardhë, Trump sulmoi përsëri “të majtën radikale”, duke thënë “Ne duhet t’i mposhtim psikopatët e së majtës radikale. Ne duhet t’i godasim ata fort”.
Në një deklaratë tjetër, presidenti amerikan theksoi nevojën për një përgjigje jo të dhunshme nga mbështetësit e tij, duke thënë se “Charlie Kirk ishte kundër dhunës. Kjo është mënyra se si dua që njerëzit të reagojnë“.
Ndërkohë bashkëshortja e Kirk, Erika Franzweg është fotografuar duke zbritur nga Air Force Two me zëvendëspresidentin e SHBA-së J.D. Vance dhe gruan e tij, Usha. Air Force Two, avioni i zëvendëspresidentit të SHBA-së, u përdor për të transportuar trupin e aktivistit përsëri në shtetin e tij të Arizonës.
