Një flotë e re ndihmash me destinacion Gazën është ndaluar nga ushtria izraelite, disa ditë pasi ndalimi i aktivistëve në anijet që po shkonin drejt territorit të shkatërruar nga lufta shkaktoi zemërim ndërkombëtar dhe protesta të gjera.
“Tre anije – Gaza Sunbirds, Alaa Al-Najjar dhe Anas Al-Sharif – janë sulmuar dhe janë kapur ilegalisht nga ushtria izraelite herët në mëngjes, 220 km larg brigjeve të Gazës”, thanë organizatorët në “X”.
Ministria e Jashtme izraelite konfirmoi se kishte ndaluar anijet që përpiqeshin të arrinin në Gaza dhe se personat në bord do të transferoheshin në një port izraelit ku do të deportoheshin.
Një tjetër përpjekje e kotë për të thyer bllokadën ligjore detare dhe për të hyrë në një zonë luftimi përfundoi pa sukses”, tha ministria në një postim online.
Koalicioni i Flotiljes së Lirisë është një rrjet ndërkombëtar i grupeve aktiviste pro-palestinezë që organizon misione detare civile që synojnë thyerjen e bllokadës izraelite të Gazës për të ofruar ndihmë humanitare për palestinezët atje.
Anijet transportuan ndihma me vlerë më shumë se 110,000 dollarë në ilaçe, pajisje respiratore dhe furnizime ushqimore të destinuara për spitalet e uritura të Gazës, tha FFC-ja.
